Call for Papers

Call for papers gesjlaote!

Blijkbaar hebben we een probleem met het abstract formulier. Als je niet binnen een paar minuten een bevestigingsmail ontvangt, stuur ons dan alsjeblieft het abstract via e-mail met alle benodigde informatie.

Veur neudige sjtudente taalkunde (en gerelateerde disciplines) oet, van bachelor bis PhD, um häör wèrk te kómme presentere óppe 62e StuTS in Nimwaege van 23 bis 26 november 2017. Presenteer gerös diene ópdrach van ‘ne cursus, dien bachelor- of masterscriptie, of ‘n anger project waoraans se momenteel wèrks. Taal- en technologieworkshops zien auch altied welkom. Alle óngerwèrpe mótte waal min of mier binne ‘n taalkundig kader passe, hiejbinne is wiejer alle variatie welkom.

De poster sessie doert een uur en diene presentatie kèn gehaaje waere in ‘t Limburgs, Nederlands, Duits, Ingels, of iddere angere taal daes se auch sjpriks, zo langs se mer genóg kennis höbs um d’r in te presentere op ‘ne weitesjappelijke conferentie. Ónthaaj estebleef waal det zèlfs taalkundige neet alle tale sjpraeke.

Lever ‘n kórt abstract (max. 250 wäörd, inclusief referenties) in via https://anmeldung.stuts.de/stuts62_abstracts_nl um diene presentatie aan te mèlde. De taal van dien abstract mót auch de taal zien waorins se presenteers*. Es se neet in ‘t Limburgs, Duits, Frans, Ingels, Italiaans, Nederlands, Portugees of Sjpaans presenteers, sjtuur den s.v.p. auch ‘ne vertaling op, zodet veur dien veursjtèl kènne aafwaege. Dees vertaling zal neet gepubliceerd waere in ‘t conferentiebeukske. 


*Es se gaer in gebaretaal wuls presentere, lever den ‘n abstract inne mierderheidstaal van ‘t desbetreffende landj (of Limburgs) in en selecteer de gebaretaal es taal vanne presentatie. Es de gesjreve taal auch al inne lies hiejbaove sjteit, hoofs se gènne vertaling in te deene. Eventueel zous se dien abstract auch in gebaretaal mèt ‘ne video kenne e-mailen. Veur zulle d’r den veur zörge det ‘t besjikbaar is op ózze website en vooge ‘ne link toe aan ‘t conferentiebeukske.